趙哲妤與𡃁模Naomi昨日凌晨在尖沙嘴因交通事故問題，與一名女子發生磨擦，最後報警求助，由於期間出現彪形紋身大漢，並曾作出言語恐嚇，趙哲妤擔心被認出，之後往尖沙嘴警署備案。Naomi昨透露事發經過：「喺喜來登酒店食完飯，由停車場開車出嚟，停喺員工大廈門口諗住等埋朋友，後面架車突然有個女人走出嚟，好大力拍我朋友司機車窗，好大聲好惡話『你撞到我架車，同我落車』。」
Naomi表示最後報警處理，正當警員調解時，突然出現幾名紋身漢，惡言相向，又指摘趙哲妤用手機拍片。至於趙哲妤就說：「我從來冇俾人用手指住面嚟鬧，個紋身佬又話我拍片影相，佢哋好惡。」
採訪：曦和