前日「劇情」講到，話雞排妹鄭家純喺大腸花論壇上公開除下肉色阿婆Bra用來拍賣，搞手之一李柏璋當時話會擺上網俾大家競投，但係昨日嘅報道，卻出現了「羅生門」事件。有傳媒話，一名楊姓民眾在音地大帝的臉書留言，打算用24萬新台幣(下同)標下。但係之前又明明話呢個「原味奶罩」會作公開拍賣，咁，個罩依家究竟去咗邊？
其實大前晚雞排妹之所以突然除bra，完全係因為當時現場有一個姓楊嘅女子闖入論壇，要求雞排妹除外套，雞排妹寸番佢:「你脫內衣我就脫!」，結果楊小姐真係二話不說，當眾將灰色bra解下並高舉，雞排妹即伸手襲胸大嗌「激凸了」。
好喇，楊小姐既然已經剝咗個bra，輪到雞排妹履行承諾，雞排妹亦立即雙手伸到背後，解開內衣背釦，仲要求現場民眾齊聲喊……係，係喊：「幹」。雞排妹就喺一遍「幹」聲中當眾除低32E肉色阿婆bra。
有傳楊小姐呢個原味bra俾李柏璋以一千元買下，捐出再拍賣，之後再被一名林先生以一萬元買走，拍賣所得全捐給公投盟。李柏璋事後否認用一千蚊買咗楊小姐個bra，但原來雞排妹剝bra之後，又有一名女性捐出內衣，最後以1萬元成交。
咁雞排妹個bra究竟去咗邊？仲有喎，其實當晚雞排妹唔止拍賣bra，仲拍賣佢食過嘅雞排，同飲過嘅啤酒。「口水尾」雞排由王先生以1千元投得，王生仲當眾咬咗一啖；至於啤酒就由江先生以3千元投得。