【本報訊】早前隨立法會團訪問上海期間，湯家驊在西裝褸掛上黑絲帶悼念離世的親人；原來湯的外母和姨仔，在他啟程到上海前兩周內不幸離世，對自己未能陪伴太太在側感到既內疚且傷心；其後更被質疑不再關心六四，湯家驊此行的心情，比任何一位團員更沉重。
遭追問六四立場感難受
「要放棄離開很容易，要留低很困難」。社民連長毛梁國雄因拒絕放低六四單張未能入境，觸發泛民去或留難題，湯家驊曾以此回應泛民應否共同進退。但其實他較任何議員更想留港，回想此事一度哽咽：「好不幸我屋企（喺）兩個禮拜之內，兩位親人唔喺度……咁其實都好大影響心情，兩位都係我太太嗰邊，佢個妹同佢媽媽……始終我都係內疚，因為太太好悲傷嘅時候，我幫唔到佢，我唔可以喺佢身邊。」
最終湯家驊決定留低並隨大隊考察，以免破壞關乎港人普選的溝通機會，卻換來傳媒追問是否對六四立場有變。「好難受，我問自己，我從政10年，竟然仲有人問我呢個問題（是否關心六四），係咪我白費過去10年呢？定係我做咗啲錯事，令到人哋冇了解過我呢？其實幾痛心」。湯上周與政務司司長林鄭月娥會面時表明若再有類似溝通，泛民須分批與中央代表見面，免令大家不是味兒。
令湯家驊更擔心的是即使中央拋出沒篩選、但未必令全數泛民同意的方案，民主黨也因要與公民黨站在一陣線而不支持，以免拖累選舉：「你（民主黨）肯唔肯去投票支持，然後俾學民思潮、工黨、社民連、人民力量同公民黨去攻擊你呢？我認為係需要好大嘅政治勇氣同氣量。」他不諱言對公民黨更無信心，因為該黨很受大環境和激進民主派人士所影響。雖與公民黨漸行漸遠，但湯強調不會退黨。