之前爾冬陛喺微博鬧爆有藝人失德要求多，搞到大家都懷疑小寶係話彭于晏。呢個「猜猜佢是誰」遊戲搞完一輪，彭于晏嘅老友小天就幫佢解過話證明小寶唔係鬧佢喎。當時小寶預定開拍古龍小說改篇嘅《三少爺的劍》，預定演員入面就有彭于晏同Angelababy，不過部戲近日終於喺橫店影城開鏡喇，之不過最後演員名單，男演員唔見彭于晏而換上何潤東，Angelababy亦唔見人。
開鏡禮入面男主角何潤東同內地演員林更新都冇影，得番兩個內地女星：江一燕同蔣夢婕出現。卡士唔齊之下，內地傳媒就表示失望，不過小寶就喺微博回應喇：「深夜歸來見評論有驚訝有讚賞有爭執有議論有情天霹靂有大哭大叫。如果我和徐克合作還需要大卡，才能令閣下浪費時間兼花錢買票，那我們乾脆收拾收拾回家喝喝威士卡談天說地八卦一番算了...其實誰演不重要，徐克和我才是男一和男二號。」
小寶以前都係男主角，型男嚟0架！時維1977年，當年第一次擔大旗做男主角嘅佢，就係拍《三少爺的劍》而一炮而紅0架……