傅穎平時都鍾意騷長腿及佢嘅「變臉」，但前晚佢「一反常態」，失驚無神喺微博貼咗張曬肚皮照。傅穎掀高件上衣騷小蠻腰，跟住就自拍，佢留言話：「我明天只想喪練腹肌﹗晚安﹗」
其實想練腹肌，可以問問愛運動嘅周麗淇(Niki) 喎，噚日最後一日復活節假期，佢都冇出去玩，留喺屋企做瑜伽，仲對住塊全身鏡玩「老江湖」，更不自覺地露出小蠻腰。Niki喺微博留言話：「要保持最好狀態不能偷懶！假日做什麼好？睡覺，大吃大喝，看電影，或是......?!我選擇做運動，出了一身汗，精神又爽利，開開心心去拍戲！」。佢仲貼咗好幾張相出嚟，雖然操到成條頸香汗淋漓，不過素顏嘅Niki都騷咗自己半邊面，但係個眼袋就大咗啲啲喇。