許冠傑（Sam）一連三場紅館演唱會前晚結束。跟之前一樣，Sam繼續和女觀眾、官恩娜（Ella）咀嘴，亦有女粉絲衝上台想親近他。Sam向演唱會之父張耀榮致敬說：「過去一段時間，好多我哋愛錫同欣賞嘅歌手朋友離開咗，包括我最錫嘅哥哥、許冠英，今晚唱一首《每當變幻時》送畀佢哋。」
完騷後Sam和兩子懷欣、懷谷及表演嘉賓鄭欣宜，到尖沙嘴出席慶功宴，欣宜說：「Uncle Sam好sweet，每晚開騷前都會親自入房同我講good show，第一晚喺化妝間放咗一隻豹紋手袋送畀我。」欣宜自爆跟懷谷兩兄弟合唱《父母恩》，因想起媽咪沈殿霞，綵排時已感動落淚。
採訪：馬建華
攝影：黃偉雄
