【中環】過氣港姐冠軍張名雅近來唔多嘢撈，不過一樣好忙，忙乜嘢？咪就係忙拍拖囉！佢同舞蹈員男友「MK甘小文」打得火熱，大前晚7點幾，佢哋拍拖行中環濕平，着超短裙襯外套嘅張名雅露出白滑美腿，不過大髀有啲粗壯要扣分！
等足個幾鐘
佢哋入咗皇后大道中某銀器店，張名雅即時發揮購物狂天性，喺店裏面揀足個幾鐘，連店舖落半閘都未走，男友等到唔耐煩玩手機，仲去咗櫃員機撳錢兼去埋廁所，返轉頭再等到9點幾，張名雅先揀到心頭好，自己碌卡畀錢埋單。
之後兩人轉入擺花街嘅小路，見冇乜途人即忍唔住蹺吓手，張名雅還挨近男友撒嬌，兩人食完日本料理醫肚後，去停車場期其間又攬咗幾秒，最後張名雅坐上男友價值近200萬瑪莎拉蒂跑車離去。
採訪、攝影：徐錦池、楊浩賢、陳辰
