因為洗腳唔抹腳、嚴重違紀違法而被免職嘅華潤集團董事長宋林，同狼英向來friend過打band，人人以為佢哋純粹公事交往，但可能仲有其他淵源。八方翻查當年六四香港團體登廣告嘅資料，赫然發現「華潤石油化工有限公司職工」都登過廣告支持學運，其中一個聯署人，咁啱就叫做宋林。
宋林喺華潤一做30年，做過香港華潤石化經理、高級經理、助理總經理、副總經理，04年做總經理，08年升董事長，89年登廣告嗰位宋林，會唔會係25年後違紀嘅宋林呢？可能性好大㗎。宋林係最早表態提名狼英參選特首嘅商界選委之一，睇返歷史原來大家都做過變色龍，唔怪得咁投契啦。