早前發表政改意見嘅前政務司司長唐英年，早前飛去歐洲過復活節假兼出席喜宴。佢身在歐洲心在港，微博留言話「我正身在海外，但也非常關心香港政制諮詢的開展工作」。
點解唐唐咁關心政改？可能佢都唔想下一屆，仲用2012年選佢同梁振英嘅方式選出特首啦，所以希望政改向前走，佢呼籲各界「大局為先，小節為後」，希望大家求同存異，「一步一腳印」走出香港普選路。
佢自爆早前應政制及內地事務局邀請，粉墨登場為政改拍咗宣傳短片，據知短片今日出爐。張相爆料背景一片綠，以便後期CG製作，換言之佢會被人key，怕且佢好有潛力接棒Eason變身政界萬能key。