幫過金融大鱷打工，到自己創業嘅時候就好有幫助，至少可以好快打響名堂。《彭博》報道，兩名索羅斯舊部Kenneth Lee與Michael Yoshino計劃今年第三季在港自立門戶，成立泛亞洲市場嘅對沖基金Pleiad Investment。
Kenneth與Michael相識超過十載，一齊喺美國為索羅斯旗下老虎基金打工，主要負責亞洲股票業務，兩人今年初離職，之後搵到投資機構HS Group幫手，HS旗下基金願意打本畀佢兩位創業，成立對沖基金Pleiad。
HS老闆Michael Garrow估計，呢個對沖基金有潛力管理15億至20億美元嘅資產。
政府成日話要將香港發展為資產管理中心，等多啲海外基金來港開業，佢哋知道索羅斯舊部都話要來港開業，應該好高興，以後對外做推廣時，除咗講滬港通，又有多一個話題嘞。