公民黨主席余若薇Audrey冇做立法會議員之後，單係處理黨務，以及兼顧律師樓工作，一樣忙得不可開交，怕且冇乜時間做運動，好在身形依然好fit。但佢個囡囡，就唔係咁諗嘞。
Audrey同八方講，呢排阿女喺美國返香港，實在睇唔過眼佢少做運動，於是逼佢行山郁動吓，結果余大狀成家人，包括佢老公、囡囡同女婿，星期日去咗大潭行山兼享天倫樂。
Audrey笑笑口話，平時真係好少做運動㗎，一年最多行一、兩次山，好在大潭嘅山路都算易行，佢哋一行人由鰂魚涌出發，經大風坳行上大潭水塘，三個幾鐘完成任務，其間仲遇到唔少傳媒朋友㖭呀。