雞排妹鄭家純前晚在大腸花垃圾話論壇終極版，當眾除bra義賣。有人讚佢夠真有種，但亦有人狠批佢不知羞恥。雞排妹即於fb為自己平反，話自己只係做義賣，而且乜都冇露，並謂：「那國外裸體海灘、裸體抗議的你們要罵甚麼？(略)。我就想要有一天能不穿內衣出門、沒有異樣眼光。」
論壇主持人李柏璋就喺fb話，前日喺論壇上，義賣雞排妹食過嘅雞排、飲過嘅啤酒等等共籌得1萬3千元台幣，已全數捐俾「公投護台灣聯盟」；至於大家最關心嘅雞排妹原味bra，李柏璋就話有人保管好，將擇日上網義賣。好多網民都留言話，唔准佢哋偷龍轉鳳，將個bra私藏！
之前咪提過，雞排妹出發去論壇之前，喺fb約咗班懷疑佢32E係假胸嘅網民，噚日一齊去買bra，「驗明正身」。當然啦，前晚剝咗個bra，要拿拿聲入貨買番個先得0架嘛。佢果真坐言起行，打卡話自己目前喺阪急百貨等「酸民」，言語極度挑機話：「有種在網路上罵人，也要有種出來嘛」！點知網民話唔見佢，佢又話唔見網民，又鬧人「沒種」。
查實呢，雞排妹噚日真係有去買，仲俾某家台灣傳媒「幸運地」撞到，全程「直擊」。雞排妹笑晒拎住剛買嘅「戰利品」——淡紫色bra，size係70Ea(即係32E)。記者要求摸下佢個肚，佢都大方掀衣露出微肉的小蠻腰。期間現場有Fans認出雞排妹，要求合影，但個fans樣好似「網路上嗆她的鄉民林潮」，即係插佢嗰個囉，雞排妹笑問：「你就是林潮吧！」但對方否認，影咗相就走咗。