席間，林珊珊表示很掛念倪匡，並透露兩人相識的經過。在珊珊18歲那年，她在電台做DJ，有次參加「十大中文金曲頒獎禮」，張文新叫他們一班DJ在會場的不同位置出現去介紹金曲，其時珊珊被安排在觀眾席上，身旁便是倪匡。珊珊說：「你知我幾高啦，咁倪生就坐我隔離，當時佢問我：『你咁細個邊度嚟㗎？』佢同我講你咁嘅高度，人哋睇唔到你，企喺凳度。」珊珊照做如儀，結果她成為一眾DJ之中最出眾的一位，這事令珊珊銘記於心，但一直未有機會多謝他。
珊珊的舅父是狄龍，肥佬黎稱每次跟狄龍見面，對方必定跟他說一些人生大道理，儼如大俠的樣子，他說：「成個孔子上身咁，佢畀我印象係，佢曾經做過大俠，以後都係大俠，個角色到𠵱家都出唔到嚟！」珊珊當初入行時，狄龍便以類似的口脗教訓她：「唔好吸毒，唔好識啲壞人，佢覺得做藝人要遵守一啲規條，佢話咁呢，舅父就安樂嘞。」
服裝:ANTEPRIMA
狄龍一日做大俠，一世都係大俠!星期四晚十一點,《亂噏24》約定你！