喺2011年，吳奇隆、鄭嘉穎、劉詩詩等人主演劇集《步步驚心》，嚟緊就會有續集，叫做《步步驚情》，4月22號就會喺內地正式播出，所以一班演員近日都四出宣傳，當中仲發生咗一啲趣事。
最近吳奇隆同《步》劇一眾演員包括孫藝洲、蔣勁夫、葉祖新，上咗一個節目做宣傳，吳奇隆一出場，即被問到點解佢女朋友兼主角劉詩詩冇一齊嚟，吳奇隆就話：「她在外面有活動，我們演戲一起，度假在一起，上節目還要再一起？你不要看煩了，你們不煩我都煩了！」咁講怕唔伯劉詩詩會嬲先？
之後吳奇隆就大晒佢嘅演技，一個人做「酷」、「狠」、「萌」、「娘」四種唔同性格，對吳奇隆嚟講完全冇難度，特別係做「娘」嘅時候，佢就肉貼孫藝洲，露出好enjoy嘅表情，全場觀眾大笑。吳奇隆都笑笑口話：「很過癮吧？這就作為我們下一部戲的片花吧，下一部戲就叫《步步基情》。」