復活節長假，有人鍾意外遊，有人卻喜愛留喺屋企休息下，如果揀後者，煲碟絕對是kill time最好選擇之一。不過今個星期就冇乜新碟推出，假期前剛推出的就只有港產《金雞sss》和外國的《浪魂47 3D》，在各大小碟舖分別約售$179及$268（Blu-ray），但就以後者較好賣。《金雞sss》相信毋需要多介紹，大把人睇過，可能就係咁冇乜人買碟，而《浪魂47 3D》就是日本武士背景的特技片，卡士認真唔弱，由奇洛李維斯、真田廣之、菊地凜子、淺野忠信、柴咲幸及赤西仁主演，不過上映時，市場反應不大，影碟推出值得一睇。
另外，同幾間碟舖店員吹水，都話《一代宗師》、《殭屍》、《狂舞派》在上星期金像獎後都突然大賣，無論碟迷是否第一次欣賞，都是支持香港好戲的表現，抵讚！