德甲老牌球會漢堡上周六喺聯賽以1:3輸咗畀禾夫斯堡，聯賽得番3場，未計周日嘅賽果仍然排喺尾3，護級形勢相當惡劣。其實漢堡今季陣容唔差，有雲達華治同韋斯達文（中）等名將，但係球隊表現一直唔理想，聯賽踢咗31場竟然失咗成65球，防守力係德甲第2差，最後3場對奧格斯堡、拜仁慕尼黑同埋緬恩斯，就算贏晒都要望其他護級球隊失分，睇怕下季都好大機會要喺乙組見。