可能好多人會以為《2014FIFA巴西世界盃》只係用《FIFA14》換上世界盃包裝，但試玩後其實也有不少微調改進，增加玩樂性。球隊管理當然是首要重點，總期203支球隊，連香港隊亦冇漏，近七千五百個球員個個以真名示人。另外，當然不少得12個巴西世界盃球場。遊戲模式方面，「Road to the FIFA World Cup」同「Captain your Country」都係普通打世界盃比賽，反而是「Story of Finals」比較特別，在世界盃比賽期間，賽後即會有模擬真實比賽的任務挑戰，唔滿意賽果可以「重賽」。
操作方面，其實同《FIFA14》就真係差唔多，物理效果超真實，但試玩時亦曾出現輕微窒機情況。細玩下發現12碼時守門員可玩少少假動作，攻方亦可加入預先佈下的戰術，隨時執雞！入波後，加入了全球不同地方球迷的歡呼場面，頗有氣氛，雖然改變不算大，但絕對適合世界盃等開波時玩！
《2014FIFA巴西世界盃》，PS3 / Xbox360，約$398。