【輪流尋寶】
市場專注於新舊經濟輪流尋寶，看好新經濟的法巴亞太區股票投資主管鄺樂天，認為新舊定義應以行業的滲透率界定，因此他在看好科網的同時，亦指內地仍未廣泛接受保險，內險股可以視為潛力巨大的新經濟板塊；相反，濠賭股增長空間有近頂風險，加上亞洲區競爭越來越大，應以舊經濟視之，不宜看好。
鄺樂天：濠賭長線跑輸
鄺樂天表示，雖然短線舊經濟或因放水憧憬反彈，但新經濟仍然是股市主旋律，「PE（市盈率）係市場拎嚟炒嘅理由，要諗嘅應該係新經濟究竟可以賺到幾多錢，如果內銀可以搵幾百至幾千億，但騰訊（700）每年賺唔夠200億，即係新經濟龍頭都唔及舊經濟龍尾，新舊交替就唔應該咁快完……內地改革引入競爭，最終應該要有一、兩個新經濟企業霸到山頭」。
他以行業滲透率歸納出新經濟板塊，除科網、環保外，還一併看好奶業、旅遊及教育，再從競爭及入場門檻細看，認為科網外地競爭者難「攻入」，防守性又勝過奶業；另外，鄺樂天指內險實際處於新舊之間，是傳統行業但在中國仍未廣泛接受、且過去亦「見唔到攞咗乜着數」，因此潛力仍值得看好。
至於舊經濟，鄺樂天的定義不限於傳統金融及資源，還納入存貨堆積的鞋業；至於博彩收入已超出美國拉斯維加斯八倍的澳門賭業，他假設中國人口高四倍，人均博彩收入仍超出成熟體系的兩倍，「點計空間都唔多，不過中國人好賭呢樣又真係好難計」，但已肯定不應該歸納為新經濟板塊，長線或跑輸。