六四紀念館噚日率先開放畀傳媒參觀，吸引大批記者採訪，當中包括商台首席智囊陳志雲，志雲大師噚日一早就同《在晴朗的一天出發》嘅節目拍檔郭志仁、黃潔慧齊齊現身。咁大陣仗到底乜嘢事﹖原來佢哋打算今日節目中介紹一下紀念館，所以嚟攞料。不過試館時只得展板，展品仲收收埋埋，而以天安門母親為專題嘅影視室又未開放，原本以為收穫不大，點知志雲大師就喺紀念館嘅圖書閣發現一本漫畫家利志達嘅作品《天安門之火──民運89畫冊》，覺得好有趣，佢哋隨後又搵咗相關資料，今日會開咪介紹。佢哋臨走前又試吓行樓梯做測試，發現其實好方便，認為人流問題可以解決，但係樓梯就有啲雜物，要好好清理吓。