吳彥祖（Daniel）在電影《魔警》中飾演亦正亦邪、精神分裂的警察，他指今次是從影以來精神上最辛苦及不安的演出，Daniel說：「個人好易亂諗嘢，抑鬱感覺未試過咁犀利，雖然冇崩潰過，但知道拍完即刻要放低。」
在數個月的拍攝過程中，Daniel為保持情緒低落，等埋位拍戲時從沒與身邊人交談，老婆Lisa S.當時大肚，卻不能傾偈，Daniel說：「我係有少少內疚照顧唔到佢，好彩佢知道我要演呢個角色，冇乜投訴，拍完翌日即刻去咗南非，洗一洗個狀態，我有同佢講sorry，佢話好明白我要做好呢個角色，我知道我娶啱咗人。」
Daniel指自己未學懂不將情緒帶返家，故現在家中有小朋友，也不敢亂接戲，影響家庭生活，Daniel說：「我鍾意拍黑暗戲，但係小朋友唔啱睇，阿女應該長大到16歲後先睇得我嘅戲，亦唔希望佢入娛樂圈，因為呢個圈好複雜，我會決意阻止。」
撰文：張俊銘