苗僑偉的女兒苗彤這位「星二代」回港後變回乖乖女，「富二代」何超蓮、林孝信與曾昭怡等人也為慈善出力，昨日在觀塘出席復活節義賣活動，他們親自設計復活兔，並在超蓮男友吳克羣自家品牌Debrand店內義賣。
超蓮穿上克羣頭像的T恤配短褲現身，問兩人感情穩定嗎？她說：「OK啦，我成日喺北京做嘢，冇乜時間，我打畀媽咪都係傾一兩分鐘。」提到母親陳婉珍支持他們的戀情，超蓮說：「媽咪好好，支持任何嘢，唔會唔畀，好開通。」自公開關係後，超蓮表示大家焦點有所不同，她說：「講到我哋只係識拍拖咁，我哋都有工作。」有否結婚計劃？她說：「我得22歲咋，完全冇諗，講到我好恨嫁，佢唔娶咁，我唔恨嫁！」她更透露賭王父親入院只是檢查身體，很快便會出院。
林建名兒子林孝信自言已甚少夜蒲，更謂現時沒拍拖，問到跟鄭少秋女兒的緋聞，他說：「佢係我英國同學，識咗好耐，應該唔會發展。」曾昭怡透露婚禮明年1月在港舉行，其契媽何超瓊與超鳳都有給意見。
採訪：林嘉慈
攝影：仇志德
