許冠傑（Sam）一連三場紅館個唱前晚開鑼，舞台以銀河為主題，穿上亮燈歌衫的阿Sam，在UFO上唱歌，唱罷緩緩降落台，由工作人員幫忙除下燈衫，但裏面的衫沒拉上拉鏈，因而露出腩肉。每次開騷都愛跟女fans錫面錫嘴的阿Sam，這次也不例外，有女fans更衝上台攬實阿Sam不放手，還想錫他的臉，令他差點失足跌下台邊。
一家上台合唱
擔任嘉賓的官恩娜（Ella）以露背長裙登場，造型由馬榮成設計，甚有《風雲》中楚楚影子。兩人合唱《印象》後，阿Sam說：「畀多啲掌聲Ella，十年前我睇電視，見到一個唱得非常非常好、非常靚嘅女仔，所以請佢做04年『繼續微笑演唱會』女主角。過咗十年，佢歌唱得好咗，又靚咗。」之後兩人再合唱《常在我心間》，Ella變身短裙上陣，最後阿Sam嘴對嘴吻謝Ella。
緊接由Sam的兩名兒子懷欣、懷谷及徒弟Justin合唱《What a Wonderful World》，連新抱Ida也上台表演，合唱《無敵是愛》。另一嘉賓鄭欣宜就與Sam兩子及徒弟唱《父母恩》，她謂要送給台下所有父母。阿Sam又藉個唱向張耀榮致敬，他說：「最近我哋失去咗演唱會教父張耀榮先生，佢對樂壇貢獻功不可沒，我特登唱呢首歌向佢致敬，希望佢聽到。」之後唱出《每當變幻時》，螢幕播出耀榮叔生前與群星合照。
採訪：譚倩宜
攝影：仇志德
