中國桌球1哥丁俊暉，今年成績認真唔錯，月初贏埋中國公開賽，今季拎到5個大型排名賽冠軍。咁好氣勢，當然希望喺即將展開嘅世錦賽揚威。小丁20號首圈對新丁韋斯利，佢喺微博上載着住紅色西裝嘅新相（圖），話希望可以辟辟邪咁話；不過小丁咁出名，但國內都有人唔識貨，仲喺佢網上留言，讚佢打羽毛球好勁，小丁當然寸番呢位「粉絲」，話自己打乒乓球仲勁！