【無妄之災】
「值得嘅，其實等多幾個鐘我諗佢（男友）會出門㗎喇！」等男友卻無辜被怪客掌摑的美少女彤彤（19歲），昨晨在偏僻的漢家路出現，是因她當時正苦候男友離家時經過，希望向他道歉「箍煲」，豈料等不到男友卻遇上「港鐵怪客」，不過事件並無打消她癡癡地等的決心，表示稍後會再等男友向他表白。
「我以為佢問路」
彤彤透露，近日她與男友感情出現問題，男友一怒之下提出分手，但她不想就此結束感情，於是昨晨在無致電男友的情況下，來到男友離家的必經之路，等他出現並「箍煲」。她說當時見到一名男子走近，「我以為佢問路，點知佢無啦啦捉住我隻手，叫我坐低！」彤彤下意識將對方推開及後退，豈料對方突然連摑她左臉兩巴。
彤彤被摑後登時呆了，其後警員趕至將傷人怪客拘捕。彤彤稱事發後並無通知男友，雖因「箍煲」而捱打，但她認為值得：「我費事嘈醒佢（男友），出院後會再等，之前都係佢搵我，𠵱家調返轉我搵佢囉！」
《蘋果》記者