阿仙奴前鋒基奧特（圖）早前爆出賽前偷食事件，搞到要同老婆、球迷道歉，仲傳出領隊雲格對佢意興闌珊，打算今夏賣走佢㖭；為咗避免事件再發生，阿仙奴就提高作客比賽時，賽前入住酒店嘅保安要求，包括一到夜晚，就唔再畀球員出酒店，嚴禁佢哋偷歡。另外，有報道指如果阿仙奴下季冇歐聯踢，球員要減薪25%，如果真係減人工，都變相令佢哋少啲錢去搞搞震。