拳手過磅時超磅可以點做？剝埋條底褲囉！唔係講笑，喺南非拳手蒙耶爾（中）挑戰WBA（世界拳擊協會）次羽量級拳王基格嘅賽前過磅時，蒙耶爾就比上限嘅122磅超磅咗5盎司，令過磅要暫停兩粒鐘。兩個鐘頭後，蒙耶爾再次上磅，今次仲要連條底褲都剝埋，要由在場人士圍起毛巾，遮住佢重要部位，結果就畀佢成功過磅。