下周四（24日）是梁思浩的47歲生日，不過前晚思浩與一班朋友提早在長沙灣慶祝生日，問到今年的生日願望？他的朋友立即起哄說：「返TVB！」思浩就自爆說：「舊年有藝員科啲同事搵過我，仲好有誠意，因為𠵱家唔夠直播主持，其實大致上都可以，只係錢嘅問題。」再問思浩對方現時是否仍然出手低？他坦言：「唔使講喇，大家都知佢低。我離開咗已經有10年，𠵱家嘅人工係當年嘅10倍，我知道佢哋好難有咁嘅人工，不過感情分，如果減半都可以接受，但係對方話減半都畀唔到！」思浩還說：「世界係圓，相信始終有一日會返去，只不過𠵱家有間有牌嘅免費電視傾緊，連合約都睇埋，如果簽約就好難合作！」
採訪：譚倩宜
攝影：黃偉雄