現在有唔少靚女主播，都成為宅男嘅女神，不過就因為咁，有時就惹嚟唔少狂蜂浪蝶噃！
好似台灣年代新聞台早報主播郭惠妮咁，個樣勁sweet，就當然有唔少fans啦！前幾日放工，仲疑似遇上變態怪客！話說佢15號放工之後，行行吓突然發現個袋黏黏的，仲連件衫嘅背面同對腳都黏咗啡色液體！一聞之下，原來係朱古力醬！激到佢即刻喺facebook度po相鬧爆呀！
有網民就猜測，佢遇上變態朱古力怪客，特登將啲朱古力醬射落佢件衫度。又有人估，佢喺電視台得罪咗人，所以被整蠱。但點都好啦...好彩呢次係朱古力咋！如果係腐蝕性液體，就弊喇！下次要小心啲喇！