足總CEO薛基輔日前透露,阿根廷好有機會今年10月喺北京友賽完巴西,之後就會嚟香港同港隊友賽,以賀足總百年會慶。雖然阿根廷訪港暫時仲未落實到,但有關方面啱啱公佈,「阿、巴」戰已經落實10月11日晚喺北京鳥巢上演,咁亦意味阿根廷訪港嘅好事係越嚟越近。足總為搞靚表演賽,搵過唔少頂級國家隊,而擁有球王美斯(右)嘅阿根廷就話有興趣嚟香港,只要足總同阿根廷傾好條件,球迷現場睇美斯同阿古路獻技可以話指日可待。