《紅VAN》上映超過一星期在港票房截至前日收1,286萬元，除了有賴電影切合香港當前的奇特政治環境，戲中的隱喻也深深吸引觀眾入場解謎，當然導演恰如其份的選角，忠實還原小說中17位的主人翁也是吸引觀眾的原因。
責政府冇出過力
其中戲份舉足輕重的發叔一角，找來影帝級人馬任達華演出，成為亮點之一。雖然拍攝時為了營造出大埔空無一人的迷離效果，經常要一早緊接一晚開工，但出來效果出奇討好，加上引人入勝的氣氛，不只吸引到一班觀眾，就連演員都被吸引住，希望能夠一氣呵成演下去，看看導演如何處理發展下去的情節，華哥說：「拍之前自己都花咗好多心機去塑造發叔角色，最後搵咗個假髮電咗個頭，搞出呢個好有80年代日本漫畫人物造型，就連發叔成日不離手嗰袋橙，都係為個角色加入去，點可以咁快俾佢（陳果）整死。」
對於電影被指充滿隱喻，華哥深表贊同：「香港人睇得過癮係應該，因為好切合今日嘅社會環境，紅van入面嗰17個人代表香港唔同階層嘅市民，當佢哋遇到事嘅時候好無助咁自救，咪同香港好似囉。你睇香港人有乜事，經常要自己靠自己，政府淨係識邀功嘅時候就出嚟。特別喺電影圈咁多年都睇唔到（政府）有幫過，人哋韓國起咗成個studio、台灣政府點扶持本土電影大家都知，香港電影圈咪四個字『自力更新』囉。」
撰文：何永寧