之前一路都話，人妻Kay謝安琪激似吳若希……或者調番轉，係吳若希激似人妻Kay。因果嘅嘢，隨緣吧啦。
但係，有人非常極度驚訝咁發現咗，咦咦咦，點解李娜BB，仲更加似人妻Kay嘅？有圖為證o架！
邊個李娜？咪就係嗰個李娜囉，有性格有技術仲有骨氣嗰個，今年澳網女單冠軍，仲「黑面」冷對湖北省政府獎勵嗰個。話說李娜近日為內地雜誌影靚相，著上高跟鞋，放低長髮，娜姐即刻變得溫柔晒，其中有幾個角度，真係好鬼死似人妻Kay。
根據影呢幾張相嘅攝影師用Leica幫娜姐影嘅，佢仲話:「周末在李娜拍攝現場跑了個龍套。娜姐很V5，E-cab很給力，徠卡M很爭氣~我本來是去片場默默，後來熟人太多成了，看娜姐鏡頭感極佳，沒忍住舉了一下相機，回歸『基本演繹法』……依靠自然光拍攝，內甚麼，跑龍套，鬧太套。」自然光，係咪即係暗示冇用美圖秀秀？