在《紅VAN》中，化身太空人大唱大衞寶兒（David Bowie）名曲《Space Oddity》的「油頭毒L」，名叫Jan Curious（阿水），是香港獨立搖滾樂隊觸執毛（Chochukmo）的主音，對政治和社會均有自己獨立見解。他日前接受本報專訪，提到陳果在片中加了不少政治隱喻，他坦言：「呢一代唔係你想唔想關心政治，其實想條街少啲人，呢啲唔係政治，呢啲係生活，啲媽咪好想講政治咩？咪又係因為奶粉都冇！阿果用隱喻係聰明方法，去inspire人哋呢個問題係咪存在，令佢哋思考應該要做乜嘢。」
想移民台灣
片中另一隱喻是香港有毒，新一代香港人紛紛希望出走，阿水坦言也有這打算，說得氣憤時更怒轟香港核心價值正在崩潰：「我都搞緊㗎喇，𠵱家成日去台灣出騷，睇吓有冇專才移民。你問王維基想唔想走？香港唔講法律就冇㗎喇，成日講乜春核心價值，唔係做到隻牛咁，有rules囉，冇rules同我返深圳有乜分別。」
撰文：文國駿