【本報訊】一支腳架、一部相機，香港攝影師透過一張張相片，記錄大嶼山日與夜，仙境般的雲海、璀璨的耶穌光、耀眼的火燒雲及浪漫的銀河，讓更多人知道香港郊外的優美景色，一起守護屬於我們的大嶼山。
80後攝影師Francis So愛行山、露營、拍攝。去年中開始，他走遍各郊野公園，將拍下的相片剪輯成影片Time lapse。去年11月，一條名為《Our Naturalscapes, Our Hong Kong》的短片，在社交網站熱播。約4分鐘的短片，記錄了石澳、大帽山、大東山等日出日落、雲海的景色。
憂只能憑相片追憶
政府計劃發展大嶼山，更成立大嶼山發展諮詢委員會，委員林奮強早前形容大嶼山為「醜小鴨」。Francis要證明大嶼山絕不醜，「佢哋未見過靚嘅嘢，我聽完覺得好憤怒，郊野公園係香港人嘅資產，政府發展即係剝奪我哋呼吸嘅空間，香港全靠郊野公園幫手先令到空氣較清新，如果攞嚟發展遲早好似北京咁，遲啲出街都要戴口罩」。
有大嶼山發展諮詢委員會早前暗示，發展大嶼山後，港人若要郊遊減壓可改到內地。Francis質疑，「點解我哋香港有（郊野公園），你又特登整爛佢，之後再用人哋嗰啲，呢個真係好蠢」。
大嶼山是全港最大的一個島嶼，對攝影愛好者Will Cho來說更是一個滿載回憶的世外桃源。由大東山到鳳凰山、由花瓶頂到貝澳鄉村，三年間他走遍大嶼山多個地方，拍下無數美景，最擔心是數十年後，只能憑相片追憶昔日自然景色。
在大東山拍下「銀河」景色爆紅的Will Cho，對大嶼山有一份難以捨割的感情，一切源於三年多前首次行山經驗。「當年係我第一次跟人去行山，就係行大東山，喺嗰度睇到嘅景色好震撼，變成咗情意結」。
但大嶼山發展步伐越來越快、規模也越來越大，Will日前行山經過看到長沙一帶正在建屋，「望去個感覺好突兀，如果第時夜晚開晒燈，個夜空唔再係𠵱家咁。」他不會全盤反對發展的需要，「但係咪應該發展其他地方先呢？香港係咪只得大嶼山或者郊野公園只可以選擇呢？」他又稱，不希望發展侵蝕這片香港的世外桃源，「我唔想第時行大嶼山，見到好多屋同人，好似𠵱家嘅太平山頂咁」。