【本報訊】今年首季香港舖王在銅鑼灣波斯富街誕生，實呎高達115.6萬元。同一條街76號，RADO鐘錶被加租逾三成仍續租，實用呎租4,000元打入全港最貴舖租第四位。一個又一個高價成交，一線舖位仲未跌價。一街之隔的利園山道、蘭芳道卻吉舖連連，同樣位於銅鑼灣，幾步之隔，為何一線舖租不跌，二線舖租卻冧價？
記者：陳家雄
英皇國際（163）執行董事張炳強表示，核心區一線舖位供應少、需求大，「以我哋為例，持有嘅波斯富街76號地下，由雷達錶續租，租金加咗超過三成，由月租133萬元加到179萬元，實用要成四千蚊呎。呢啲位置難求，好多名牌需要係呢啲地方做個showcase，有廣告效應……廣東道更加唔使講，好多本地牌子，包括金舖、鐘錶珠寶都落戶，證明核心區抗跌力強。」他續稱，未來一線舖位大升機會微，「但睇唔到有咩機會大跌！」
名牌有showcase效用
張炳強稱：「國際品牌好難搵到佢哋鐘意嘅舖位，好似我哋羅素街22至24號重建項目，剛拆咗樓，都未正式做marketing，市場已經有反應，睇到羅素街及廣東道頭段嘅一線供應，真是非常緊張！我哋可以慢慢揀客……呢啲prime位，我哋覺得好穩陣！」
由波斯富街行前幾步的利園山道、蘭芳道等二線舖位卻有至少8間吉舖，張炳強指：「呢啲二、三線舖位，對比去年同期，租金已調整兩至三成，未來仲有10至15%跌幅，全年累跌約30至40%。始終二線舖位未能畀到名牌一個showcase嘅效用，租嗰陣真係要計番個實用價值。」
再者，部份二線舖位吊高來賣，嚇怕租客，其中兆安地產李佘少鴻今年初以2.528億元買入的利園山道49至57號地下部份舖位，建築約1,400方呎，另連一樓約1,550方呎，現放租叫價150萬元，該部份地舖前租約57萬元租金加幅逾倍，至今仍乏人問津。
在銅鑼灣持有多個舖位的資深投資者黎永滔早前都面對現實，已將霎東街2號（前何洪記）劈租三成租出，他接受本報訪問表示：「一線地段舖位某啲位可以維持，但一線舖位旁邊個啲舖租就要下調一至兩成，因為大陸反貪肅廉，高價消費品銷量慢咗，大量買嘢送嘢俾人咪少咗，大牌子無再咁進取。」再者，香港樓市調整，市場資金不再充裕。他補充，國際品牌仍積極來港落戶，尤其是尋求過萬方呎的巨舖。他不諱言，某些國際品牌正與他接洽，欲承租其手頭上的舖位。
