主演話題電影《那夜凌晨，我坐上了旺角開往大埔的紅VAN》的黃又南，早前成為《蘋果動新聞》「四星連環遊澳洲」的頭炮嘉賓，跟動主播汶汶齊齊到澳洲悉尼見識當地風土人情。又南在這短短的四日行程中，除大飽口福嚐盡澳洲海鮮美食之外，更玩遍海陸空運動，坐上爬山車衝沙丘時，更翻車收場撞傷手。
為電影經常四圍飛的又南，原來是第一次到悉尼，甫抵埗已經高呼要挑戰自己，就是殺上離地40層樓高的悉尼大橋吹吹風，他說：「我有一刻望上去澳洲嗰支旗時，嘩！點解咁高嘅？嗰一下好似突然間離一離！令我諗番起當日第一次同天佑上台演出，當時勁緊張，頻頻去廁所。」
飛天累小又南受罪
玩得高興更加不想停，又南又嘗試玩水上滑翔傘，不過今次就令小又南受罪，他一降落就大叫：「好痛呀，勒到我細佬。」不過又南事後自爆人在高處，反而想了很多東西，甚至想到如今30歲應該要有個家：「初初入呢一行，已經諗30歲要結婚，好想有一個家庭，好想有一個仔一個女。但𠵱家30歲又希望可以一路係咁落去，冇乜所謂。」去到沙灘附近的沙丘，又南又試駕爬山車，不過當他準備衝上一座沙丘時，由於沙丘太過陡峭加上速度不夠，最後翻車收場，令到他右手掛彩，幸好沒有大礙。
又南大讚悉尼無論玩或是食方面，都有不同層次的享受，他特別到悉尼魚市場（Fresh Fish Market），見識一下全球第二大的魚類批發市場的架勢，更品嚐了澳洲生蠔等美食。
其後又到離悉尼兩小時車程的邦迪海灘探訪海豚之鄉，那兒長時間有150條樽鼻海豚出沒，又南更親身下海，與牠們一起暢泳，據知到5至11月期間更有機會見到鯨魚出沒。
撰文：李森
攝影：楊觀賜、張柏基
想知更多又南、BabyJohn、Regen同Miki係澳洲玩到有幾癲？
記得睇【四星連環遊澳洲】啦！
http://hk.apple.nextmedia.com/enews/animation/staraustralia/