茶包風波夠本土，跟電影橋段相似度達99%。
雖然不是編導，但我估計，如果搵陳果改拍，這條短片中的酒店侍應，肯定是放工後唔肯認命等多N班地鐵而晚晚搭紅van的港燦。叫侍應加多個茶包但唔忿氣對方收雙倍價錢的阿蘇，會是滿腔鄉音頻頻說討厭政治但又兇自己香港人「我唔來high tea，叫埋親朋戚友七姑六姨唔來酒店幫襯，你餓死好耐啦」的三粒星富有表嬸。她用極鹹而唔淡的廣東話呼喝侍應：「你敢（減）收就得啦。」嗯，出事後，連一句「文化差異」也慳番，索性推卸說是口音誤會。「我本來是叫侍應：double咪double咯，我在上海，連王光亞都請我開餐，我食慣大茶飯，唔志在，滾！冇煩我！你咁收就得啦！」
鏡頭捕捉侍應的愕然神情，噢，竟然有點似政改三人組裏面那兩位仁兄。係呀，司級官員在表叔表嬸面前，只能睇餸食飯，兩個茶包一杯茶，不能溝亂，無得還價。雖然我們深信，私底下，飲香港水長大的港燦，會故意把茶壺當成尿壺！