【壹週刊】「你收皮啦」呢四個字有幾大威力？等阿Bob同大王安德尊話過你聽！
阿Bob同安德尊，喺啱啱播完嘅《年代大激鬥》中私片連場，鏡頭後又傳出佢哋兩個大打出手。究竟咩事令兩個大男人動口又動手呢？
原來係之前大王擔任張美妮婚宴司儀，為搞氣氛成晚「B呢巴啦」，台下嘅阿Bob頂佢唔順，飲到醉醉哋，就衝咗上台，一手搶咗大王支咪，仲企上張櫈度，當眾噴大王：「你收皮喇！你好大聲好嘈呀！知唔知呢度係婚宴，唔係春茗呀！」
全場即時靜晒，連跑慣江湖嘅大王都嚟唔切反應還拖。新娘子張美妮見阿Bob玩寸個party，都好嬲，著住晚裝都衝上台喝住阿Bob，女聲A：「你收聲呀！唔好搞事！」仲叫朋友趕阿Bob走！
被 人落晒面嘅大王就等時機報復喇，所以喺《年代大激鬥》度橋期間，大王已經不斷針對阿Bob，嗌佢死肥Bob！阿Bob都知衰，開頭都死忍，點知大王越嚟越 過份，點知到開拍，大王一見阿Bob食螺絲，就故意高八度鬧佢累街坊，阿Bob終於忍唔住還拖，最後兩個仲郁埋手打交，要畀高層照肺。
所以各位觀眾之前開電視睇嘅唔係《年代大激鬥》，而係《復仇大激鬥》嚟架！
iPhone App免費下載： http://bit.ly/nextplus_iphone
Android App免費下載： http://bit.ly/nextplus_android