近日有傳「可愛教主」楊丞琳，同台灣組合JPM嘅王子（邱勝翊）分手，報道指兩人因為聚少離多，所以就協議和平分手，前日王子去咗杭州做嘢，至於雙方經理人，亦不約而同話佢哋一直都係朋友。報道出街後，兩位當事人未回應「分訊」，繼續更新微博，兩人亦好巧合地各貼自拍相，王子就話：「杭州Day1，李東旭醫師開工。」相信係王子喺新劇角色個名，戴住黑超嘅王子，心情都好似OK。至於楊丞琳都有貼自拍照，同佢王子一樣都係戴住黑超，仲話：「除了工作、還是工作...」唔知係唔係暗示分咗手之後，生活就只得返工作，冇咗感情生活呢？都好似冇咩異樣。但係留心啲睇楊丞琳同王子兩人自拍照，都係戴同一個牌子黑超，個款亦相當似喎，認真「心有靈犀」喎﹗