藝人工作無定時，有時要連踩幾晚通宵，有時又要飛往外地工作，能夠食住家飯機會唔多，所以佢哋都好珍惜同家人飯聚時光，享受天倫之樂。孫耀威（Eric）前晚喺微博貼咗三張相，孝順嘅佢陪媽咪食晚飯，孫媽媽仲親自下廚，煮咗啲正菜畀個仔嘆下，就連陳年花膠都拎出嚟，Eric話塊花膠大到可以拎嚟做網球拍添，不過花膠就留番下次先食﹗咁主菜係乜呢？咪就係愛心靚鮑魚囉，啲鮑魚又大隻又肥美，真係睇見都流口水....孫媽媽仲專登用咗個心形碗裝住靚鮑，果然係世上只有媽媽好！孫耀威晒幸福咁話：「媽媽煮了超大鮑魚給我吃！然後再從廚房拿出更誇張的陳年花膠網球拍！說下次煮給我吃？哈哈！世上只有媽媽好！」