【記者馬志剛報道】村屋多位置偏遠，非屋苑式管理，無保安員，村民一般都更警覺，提防村外人。不過警方近日發現，有竊賊看準村屋新樓落成，下手前先安排同黨假扮地產經紀和買家入村睇樓，實則踩線探路伺機爆竊，其中一宗個案，戶主損失達67萬元。
不幸被爆竊的村屋位於西沙公路旁的瓦窰頭村。該村村長駱觀雄表示，今年初開始常有村民見到一男一女入村徘徊，二人衣着斯文光鮮，男操粵語，女的說普通話，「好似個經紀帶個大陸富婆嚟睇樓咁」，村民上前查問就以「睇樓」回應，「一般附近嘅地產經紀我哋都見慣見熟，但由於近排新樓多，或者有新人（經紀），就好難判斷」。
駱村長說，疑人拍照紀錄，又不常留在新樓一帶，反而喜在有人居住的村屋一帶徘徊，良久不離開，舉止異常，有別於一般睇樓客。他曾向附近村民查詢，村民大多指沒安排睇樓，甚至沒放盤。今年農曆初五就有一對睇樓男女在午後出現，遲遲沒離開，同日傍晚便有一戶被爆竊，損失共67萬元現金、名錶和首飾等財物，懷疑一人入屋搜掠，另有三名同黨把風，包括二人踩線。
十四鄉去年竊案升逾倍
附近西澳村村長李貴有說，有村民曾目擊疑人入村踩線，「以前有人扮收買佬，喺村屋門口畫記號、窗邊擺石頭，就係話畀同黨聽邊間屋可以落手；又可能會揳傳單，睇吓幾耐先有人攞走，評估屋主幾時唔喺屋企」。
警方馬鞍山分區助理指揮官（行動）蔣瑞菁表示，翻查村民自行安裝的閉路電視錄影片段，加上有村民目擊，警方相信有人藉詞入村睇樓，檢視哪一家更易下手，已成為竊匪踩線新手法。
離馬鞍山市中心不遠的十四鄉一帶村屋，2012年共錄得10宗入屋爆竊案，13年急升至22宗，犯案者全為本地人，今年截至本月中則有4宗。