早前財爺正式公佈，金管局舵手陳德霖9月底任期屆滿後，冧莊5年，仲透露埋佢續約後固定薪酬（較去年增50萬至650萬元）兼花紅（每年上限260萬元），此舉令該局每年4、5月間公佈嘅年報「亮點」──總裁薪酬無晒神秘感。
年報顯示，去年度陳總固定、浮薪連其他福利合計，總薪酬組合為996.5萬元。為配合精簡資源嘅市場大勢，該局今年人手編制減了兩個人至816人，現時金管局實際職員共784人。
外滙基金回報率亦係市場另一注點，為咗擴闊中長期回報，外滙基金涉足房地產及私募基金提高收益，去年相關公司未履行嘅投資承擔金額亦增至802.11億元（前年為638億元）。