政府官員中，財政司司長曾俊華文采未必最好，但肯定係最勤力筆耕嘅一個。華華睇過主要官員網誌（Blog），以量計財爺贏晒。
由2007年7月上任後，7年間一共寫咗289篇網誌，近呢幾年更加每周一篇，部份內容好似講海水化淡咁，都吸引到傳媒跟進。
華華打聽到，雖則網誌一般逢周日先出街，但財爺每逢周一就要開始諗定題目，然後一眾助手會幫手搵資料。財爺仲話，諗題目過程中，會促使團隊齊齊腦震盪咁話喎。
噚日「長毛」梁國雄喺立法會，向財掟陰司紙，最終俾財爺以「行開啦」打發，不過事件冇影響財爺心情，照舊喺政總飯堂與同僚開餐。講下講下，原來對食一向有要求的財爺，對中環一間出名食燒鵝的餐廳感到失望，話身邊好多朋友，已經絕少到該店開飯。
據了解，該店目前午市仍然旺場，不過大部份都變成強國客了。