財政司司長曾俊華昨日遇上長毛梁國雄向他掟陰司紙，竟罕有地「還拖」叫長毛「行開啦」，不少官場中人均支持曾做法，據聞有官員早已對長毛經常「恰」鬍鬚曾「好相與」感不滿，今次「還拖」顯示鬍鬚曾亦忍無可忍，據聞建制派亦部署「玩鋪勁」，有意玩流會，讓長毛真的拉布拉出財政懸崖！
先篩修訂 再玩流會
有官場中人對季陶說，不少高官均覺長毛等人是「揀人嚟玩」，好像鬍鬚曾一類「好相與」官員，往往成為他們針對目標，而鬍鬚曾自然知長毛等人怎樣玩這個遊戲，相信他今次是覺得長毛做得太過份、亦不想再有其他與人為善的官員「被恰」，所以才「還拖」叫長毛「行開啦」。
除鬍鬚曾「還拖」，據聞建制派亦密謀與長毛「玩鋪勁」。原先他們計劃長期作戰，放齊人馬與長毛打拉布戰，「睇吓佢（長毛）冧先定我哋冧先」，但據聞建制派在上海之行私下交換意見後，有建制派「唔想陪佢癲、反正最後要剪布」，於是改變戰略，先要主席曾鈺成「揸正嚟做」，將不合規格修訂篩走，減修訂數目，「唔係㩒掣都㩒到手跛」！
下一步就是玩流會，據知建制派想用流會拖延審議，「到時就畀長毛拉布弄假成真，拉布拉到真係出財政懸崖，睇吓市民點鬧佢」。不過，聽聞鬍鬚曾未有為萬一出現財政懸崖做準備，反正尚有時間，謀定而後動也未遲。
季陶