又南記得當初陳果找他拍《香港有個荷里活》時，他還是學生，陳果導演堅持要他完成中五才讓他拍攝。他說：「佢驚我入咗行之後，冇機會再讀書。」肥佬黎說：「咁呢個導演都算有啲良心喎！」蔡瀾附和：「佢先學監製先，佢係乜嘢都學晒，跟過好多個導演，所以知道呢個手法應該點拍，嗰個手法點拍。」陳果認為後生一輩的導演比他們幸福，甫畢業便有機會做導演，只要有一個好劇本，便會有人幫你開戲。蔡瀾即說：「陶傑囉！」眾人大笑。
說到陶傑，陳果忍不住爆料：「陶傑好鬼粗口㗎，我同佢傾過偈，佢一講《愛‧尋‧迷》呢部戲，就由頭粗口到落尾，『電影黑暗喎乜乜乜！』」肥佬黎笑說：「咁希望佢賣座呀，唔係仲多嘢講呀！」
陳果推測陶傑可能沒有人幫忙，他說：「佢應該搵一個好好嘅監製，唔係淨係搵錢咁簡單，你知劇本各方面都要搵人同你傾先得，會令到件事好啲。」他又補充一句：「可能陶傑太強勢啦！」
服裝:ANTEPRIMA
一場戲搞到又南沉默三日!今晚十一點,《亂噏24》約定你！