劉愷威同楊冪年頭雙喜臨門，仲喺印尼峇里完婚。而預產期喺6月底嘅楊冪，為咗令BB有居港權，3月底已經來港安胎，等小朋友一出世就成為香港人。
不過噚日有雜誌報道，同老爺劉丹及奶奶一齊住兼養胎嘅佢，就被指同老爺奶奶唔係太夾。除咗話自己食素，唔畀面食奶奶落足心機燉嘅補品之外，轉頭又話轉口味，打畀老公點老爺去買嘢食，搞到「大Sir」劉丹都寧願出街打波，費事太多正面磨擦咁話。
報道仲話愷威本來打算安排老婆坐完月，再由父母屋企搬去半山蔚皇居新屋。不過眼見老婆同長輩夾唔到，惟有日催夜催裝修師傅，想早啲搬出去。無謂各人唔高興之餘，自己仲要做「夾心人」吖嘛。