再有懷疑內地旅客於本港公眾地方大便！有網民近日在親子王國、香港討論區等多個討論區上載多張相片，相中一名懷疑是內地旅客的年輕婦人抱起一名幼童，在紅磡一間運動用品店內的地毯上大便，持續約10分鐘。
目擊事件的網民稱，事發時有多人上前阻止，但該女子懶理，「個女人被職員話，都若無其事，再被領隊罵都繼續，呢個行為持續十分鐘，直至完事，激到個領隊發脾氣走人。」
有網民就質疑，事件可能與強迫購物有關，「紅磡最多封閉式購物場，梗係領隊話唔夠鐘唔出得門口，咪響場內痾你睇。」又有人對店舖的遭遇深表同情，「間舖真係多得佢唔少，一陣臭味，邊有人會入？」
有網民就批評女子的行為是剝削兒童尊嚴，「人係要搵廁所解決二急，因為要保護自己尊嚴及私隱，依家睇嚟圖中女人當佢仔女係貓貓狗狗呀？無尿片咩？搞到自己咁羞為咩呢...」
網民點睇：
bu-b：睇落鋪咗地毯，點清理呀！人哋唔駛做生意啦！
holland_muihk：呢啲就係國民教育。
MsAlpaca：去中聯辦度屙吖嘛！包冇人鬧你！
littlelittlepra：間舖真係多得佢唔少，一陣臭味，邊有人會入？
angela0228：被人鬧都無反應，厚臉皮到呢。
pollytopig：圍佢要佢清理好先走。
eellii：紅磡最多封閉式購物場, 梗係領隊話唔夠鐘唔出得門口, 咪響場內疴你睇。
kingkingtc：而人係要搵廁所解決二急，因為要保護自己尊嚴及私隱…依家睇嚟圖中女人當佢仔女係貓貓狗狗呀?無尿片咩?搞到自己咁羞為咩呢…