洛城變天都唔單係今季嘅事，快艇今季更加贏同市湖人成條街，除咗已落實以西岸第3位出線季後賽，周二主場輕取金塊117:105，取第57勝，創埋隊史單季勝仗紀錄。不過今場入咗24分嘅「入樽王」比歷克格芬（左），就因為累積第16次技犯，要停賽1場，將缺陣周三作客拓荒者嘅常規賽閉幕戰；其實格芬都要收吓火啦，再拎咁多技犯，季後賽停賽就大件事。