戴蘊慧、Rosemary、雨僑、黃耀明前晚在清水灣出席Mini新車發佈會，Rosemary性感開胸上陣與露腿的雨僑鬥性感。45歲便榮升嫲嫲的戴蘊慧開心分享家有喜事：「因為腰痛，唔可以企得太耐，不過新抱好乖，事事親力親為，新抱餵母乳㖭。」她又透露恨抱男孫：「想生男孫，湊成一個『好』字嘛！」
做學神的雨僑自嘆沒駕車天份，她氣餒說：「泊車唔掂，但好心急想有個車牌，成日遇到的士司機唔肯車我過海，又遇過情緒失控嘅司機，搵嘢掟我同助手。」此外，明哥最近扭傷腰，要接受針灸治療。男友有否呵番？明哥尷尬說：「其實唔止，好多人好似同事咁都有呵番我。」
採訪：文國駿
攝影：葉君海