東華三院社企iBakery一向口碑都好好，最近仲獲銅鑼灣皇室堡提供四個月嘅特惠租金租約，喺黃金地段開設曲奇專賣店，專賣由殘障人士親手整嘅優質精品曲奇。原來iBakery最近仲特別同日本京都凱悅酒店合作，推出有京都風味嘅特色曲奇。
噚日呢間曲奇專賣店開幕，除咗東華三院新任主席施榮恆Ivan，亦有唔少人親自捧場，包括華人置業集團主席及署理行政總裁劉鳴煒等。
華置都算唔話得嘞，除咗旗下商場皇室堡肯提供特惠租金扶助社企，老闆劉鳴煒更加親自捧場，甚至自掏腰包用咗48蚊幫襯買咗一盒曲奇，Ivan都大讚對方好人又有心。