提起滙豐銀行，好多香港人都會聯想起「獅子銀行」呢個別號，皆因中環總行外兩隻大銅獅實在太有氣勢、太具代表性，咁如果有間銀行叫做「企鵝銀行」，大家又會聯想起邊間公司呢？話說國家工商總局網站最近顯示，早前批准一間叫「企鵝銀行股份有限公司」嘅註冊，自然聯想起騰訊（700）隻企鵝。
咁啱騰訊同其他拍檔搞緊民營銀行，甚至有報道話呢間銀行叫「前海銀行」，騰訊對此予以否認，仲話申辦銀行仍處於資質審查階段，未攞到中銀監嘅正式批文咁話。至於企鵝銀行，佢哋就話不予評論，相當耐人尋味！
企鵝銀行呢個名其實幾好吖，夠晒噱頭，如果開戶口送企鵝錢罌，就更加冇得頂。